Michael Carrick thotë se Manchester United ka “lëvizur shumë shpejt” pas komentit publik të Lisandro Martinez për Jason Wilcox.
Mbrojtësi argjentinas do të jetë i disponueshëm për ndeshjen kundër Leeds United, pasi palët janë sqaruar pas akuzave të Lisandros pas humbjes nga Atletico Madridi në Ligën e Kampionëve.
“Vërtet ka mbaruar. Kemi ecur përpara. Është një nga ato gjëra. Ai ka dalë dhe e ka pranuar situatën”, ka thënë fillimisht Carrick.
Ylli i Man Utd nuk përmbahet pas humbjes ndaj Atletico Madridit, kritikon ashpër drejtuesit e klubit
Ai e përshkroi takimin sqarues si “mjaft të thjeshtë”: “Ne të gjithë e kuptuam situatën dhe çfarë domethënie kishte ajo. Ai bëri deklaratën dhe pranoi se ishte një gabim nga ana e tij”.
Carrick konfirmoi se Martinez është “pjesë e skuadrës”, nuk e kritikoi pasionin e argjentinasit, por ai vuri një vijë.
“E kuptoj emocionin ndonjëherë, ne kërkojmë zjarr dhe lojtarët të interesohen, por ka një mënyrë për ta bërë këtë, e cila është pranuar”.
Ai gjithashtu kundërshtoi zërat për një ndarje të dhomave të zhveshjes: “Vetëm pse njerëzit flasin nga jashtë, kjo nuk do të thotë se është e vërteta. Skuadra sot në stërvitje ishte në një gjendje fantastike”.
I pyetur nëse Wilcox duhet të flasë më shumë, Carrick tha se nuk i takon atij ta thotë këtë. “Ne jemi një grup vërtet i lidhur ngushtë”, përfundoi trajneri i United. /Telegrafi/