Policia e Kosovës ka gjetur 26 mijë e 900 franga zvicerane gjatë kontrollit të një automjeti në fshatin Vërmicë.
Sipas njoftimit policor, rasti ka ndodhur këtë të hënë, rreth orës 21:15, ku gjatë patrullimit, zyrtarët kanë hasur në dy automjete, njëri me targa të Kosovës dhe tjetri me targa të Shqipërisë, të drejtuara nga dy meshkuj, njëri shtetas i Kosovës dhe tjetri i Shqipërisë.
Gjatë kontrollit të automjetit me targa vendore, policia ka gjetur shumën prej 26 mijë e 900 frangash zvicerane, transmeton Zeri.info.
Të dy personat janë shoqëruar në stacionin policor për procedura të mëtejshme, ndërsa rasti është iniciuar si “Shpëlarje parash”. /Zëri
Burimi: zeri.info ↗