Përzgjedhësi Austrisë, Ralf Rangnick, ka vlerësuar paraqitjen e skuadrës së tij në fitoren 3-1 ndaj Kosovës, duke theksuar kontrollin që Austria pati gjatë pjesës më të madhe të ndeshjes.
Kosova u mposht të dielën në Vjenë me rezultat 3-1 nga Austria, në kuadër të Grupit B3 të Ligës së Kombeve, ndërsa Rangnick u shpreh i kënaqur me mënyrën se si skuadra e tij e menaxhoi takimin.
“Të gjithë në stadium e panë energjinë tonë pozitive sot; ishte vërtet mirë. Nuk ka nevojë të veçojmë askënd”.
“E patëm ndeshjen nën kontroll pothuajse gjatë gjithë kohës. Edhe në stërvitje ka një energji të mirë tani, le ta ruajmë këtë ritëm”, u shpreh 68-vjeçari Rangnick.
Austria luan të enjten ndaj Irlandës si mysafir, pas dy ndeshjeve si vendas, ku mori 6 pikë. /Telegrafi/