Një grua në New Jersey u përball me një surprizë të pazakontë pasi u kthye në shtëpi nga servisi dhe zbuloi një piton rreth 90 centimetra të gjatë të bllokuar në grilën e përparme të makinës.
Ngjarja ndodhi në Franklin Township. Aiyana Hudson, njoftoi policinë, e cila mbërriti në vendngjarje për të kapur gjarprin.
Pasi kontrolluan automjetin, policët u detyruan të çmontonin pjesë të tij, për të arritur te pitoni.
Pas rreth 20 minutash, ata arritën ta nxirrnin të padëmtuar.
Gjarpri u identifikua si një piton top, një specie jo helmuese, dhe u dërgua në strehën e kafshëve të Franklin Township.
Hudson tha se u lehtësua që pitoni nuk kishte hyrë në kabinën e makinës gjatë kohës që ajo po udhëtonte. /Telegrafi/