Nëse kërkoni një recetë të shpejtë, të lehtë dhe të shijshme, këto qofte me kungullesha janë një zgjedhje ideale.
Përgatiten për vetëm 20 minuta, janë krokante nga jashtë dhe të buta brenda.
Përbërësit
- 350 g kungulleshka të grira
- ¼ lugë çaji kripë
- 1 vezë
- 60 g miell tërshëre
- ½ lugë çaji pluhur qepësh
- 100 g djathë Cheddar të grirë
- Piper i zi i sapobluar
- 1 lugë gjelle qepë të njoma, të grira imët
- 1 lugë gjelle vaj ulliri
Përgatitja
- Vendosni kungulleshkat e grira në një kullesë, shtoni kripën dhe lërini për rreth 10 minuta. Më pas shtrydhini mirë me duar ose me një napë, në mënyrë që të largoni sa më shumë lëng.
- Në një enë përzieni kungulleshat me vezën, miellin e tërshërës, pluhurin e qepës, djathin Cheddar, piperin dhe qepët e njoma.
- Formoni me duar rreth 8 qofte të vogla dhe të sheshta.
- Ngrohni vajin e ullirit në një tigan në temperaturë mesatare. Skuqini qoftet për 2–3 minuta nga secila anë, derisa të marrin ngjyrë të artë dhe të bëhen krokante.
- Shërbejini të ngrohta, të shoqëruara me salcën tuaj të preferuar. /Telegrafi/
