Komuna e Gjilanit, përmes Drejtorisë për Shëndetësi dhe Mirëqenie Sociale, ka vazhduar me mbështetjen e familjeve që përballen me vështirësi sociale dhe ekonomike.
Në kuadër të kësaj mbështetjeje, sot janë shpërndarë rreth 500 palë veshmbathje për fëmijët në nevojë.
Sipas Komunës, kjo nismë synon të adresojë nevojat e familjeve në gjendje të vështirë sociale dhe të kontribuojë në përmirësimin e mirëqenies së fëmijëve.
Komuna e Gjilanit ka bërë të ditur se mbështetja e kategorive në nevojë dhe përkujdesja ndaj fëmijëve mbeten pjesë e angazhimit institucional, ndërsa ka paralajmëruar vazhdimin e masave dhe iniciativave për fuqizimin e mbështetjes sociale dhe përmirësimin e mirëqenies së qytetarëve. /Telegrafi/
Burimi: telegrafi.com ↗