Kryetari i Komunës së Pejës, Gazmend Muhaxheri, ka njoftuar se flamuri i Ushtrisë Çlirimtare të Kosovës është vendosur në qendër të qytetit, në prag të shpalljes së aktgjykimit në Hagë për krerët e UÇK-së.
Muhaxheri ka thënë se Peja është e gatshme të mbështesë krerët e UÇK-së në këtë moment.
“Peja është gati për të mbështetur krerët tanë të lirisë! Në prag të shpalljes së aktgjykimit në Hagë, flamuri i Ushtrisë Çlirimtare të Kosovës tashmë valon me krenari në qendër të qytetit tonë”, ka shkruar ai.
Ai ka shtuar se lufta e UÇK-së “ka qenë, është dhe do të mbetet e pastër dhe e drejtë”. /Telegrafi/
Burimi: telegrafi.com ↗