Kryetari i Lidhjes Demokratike të Kosovës, njëherësh kandidat për kryeministër, Lumir Abdixhiku ka dhënë 10 zotimet kryesore të LDK-së.
Abdixhiku në një postim në Facebook shkruan se zotimet e LDK-së janë të qarta, plane konkrete dhe përgjegjësi ndaj secilit qytetar.
“Këto janë 10 zotimet tona kryesore. Zotime të qarta, plane konkrete dhe përgjegjësi ndaj secilit qytetar. LDK ka program. Ka ekip. Ka vullnet. Le të zgjedhim shpresën; për familjet, për të rinjtë, për të ardhmen”, shkruan Abdixhiku.
Ndër zotimet që ka paraqitur Abdixhiku janë pagë 1 mijë euro për mësuesit, pagë 900 euro për policët, ushtarët dhe zjarrfikësit.
Ai po ashtu ka thënë se zotim i LDK-së është edhe 2400 euro për çdo të porsalindur për 12 muaj, koeficienti 150 për rreth 80 mijë punëtorë publikë, etj.
