Kompania Rajonale e Ujësjellësit “Hidroregjioni Jugor” ka njoftuar se në fshatin Gjinoc të Suharekës po vazhdojnë aksionet për shkyçjen nga rrjeti të konsumatorëve që nuk i kanë shlyer obligimet financiare ndaj kompanisë.
Gjatë aksionit të fundit, 19 konsumatorë janë shkyçur nga rrjeti i ujësjellësit për mospagesë të faturave.
Sipas njoftimit, aksioni është realizuar me asistimin e Policisë së Kosovës dhe ekipit të Inspektoratit.
KRU “Hidroregjioni Jugor” u ka bërë thirrje konsumatorëve që t’i kryejnë me kohë obligimet financiare, në mënyrë që të shmangin shkyçjet nga rrjeti dhe procedurat e mëtejshme ligjore.
Kompania ka theksuar se pagesa e rregullt e faturave është e rëndësishme për vazhdimësinë dhe qëndrueshmërinë e shërbimeve të ujësjellësit. /Telegrafi/