KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Zyrtare: Rafael Nadal emërohet në bordin drejtues të Real Madridit

Zyrtare: Rafael Nadal emërohet në bordin drejtues të Real Madridit

Legjenda e tenisit botëror, Rafael Nadal, ka marrë një rol të ri në sport, duke u bërë anëtar i bordit drejtues të Real Madridit.

Emërimi i 40-vjeçarit u miratua të shtunën, më 21 nëntor, gjatë Asamblesë së Përgjithshme të Jashtëzakonshme të klubit madrilen.

Nadal, i cili ka fituar 22 tituj Grand Slam gjatë karrierës së tij, mori mbështetjen e 99.5 për qind të votave, duke zyrtarizuar kështu përfshirjen e tij në drejtimin e klubit.

Ish-tenisti spanjoll ishte i pranishëm në asamble përkrah presidentit Florentino Perez, me të cilin ka marrëdhënie të afërta prej shumë vitesh.

Nadal është anëtar nderi i Real Madridit që nga viti 2011 dhe njihet si tifoz i madh i klubit, ndeshjet e të cilit i ka ndjekur shpesh në stadiumin “Santiago Bernabeu”.

“Është një përgjegjësi e madhe të jem pjesë e bordit drejtues të Real Madridit. E marr këtë detyrë me dëshirën për të mësuar dhe për të kontribuar”, deklaroi Nadal.

Ndërkohë, presidenti Florentino Perez e vlerësoi lart përfshirjen e legjendës së tenisit në strukturat drejtuese të klubit.

Gjatë asamblesë u prezantua edhe raporti financiar i Real Madridit për sezonin 2025/26.

Klubi madrilen e mbylli sezonin me fitim neto prej 26.3 milionë eurosh, duke regjistruar vitin e 26-të financiar radhazi me rezultat pozitiv.

Me emërimin e Nadalit, Real Madridi shton në bordin drejtues një nga figurat më të njohura të sportit botëror.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.