KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Malisheva përmbys Dukagjinin në pjesën e dytë dhe merr tre pikë të mëdha në “Liman Gegaj”

Malisheva përmbys Dukagjinin në pjesën e dytë dhe merr tre pikë të mëdha në “Liman Gegaj”

Malisheva është rikthyer te fitorja në Superligën e Kosovës në futboll, duke e mposhtur Dukagjinin me përmbysje, me rezultat 2:1, në kuadër të xhiros së 14-të.

Skuadra klinase e nisi më mirë ndeshjen në stadiumin “Liman Gegaj” dhe arriti të kalojë e para në epërsi në pjesën e parë, kur Dienit Isufi shënoi për 0:1, transmeton IndeksOnline.

Megjithatë, fraksioni i dytë foli tërësisht për vendasit, të cilët reaguan fuqishëm dhe arritën të përmbysin gjithçka në favor të tyre.

Fillimisht, Uka barazoi shifrat në 1:1, duke e rikthyer skuadrën e tij në lojë. Momenti vendimtar i takimit ndodhi më pas, kur pas rishikimit të situatës në sistemin VAR, Egzon Sinani i Dukagjinit u ndëshkua me karton të kuq, ndërsa gjyqtari akordoi penallti për vendasit.

Nga pika e bardhë i pagabueshëm u tregua Dreni Kryeziu, i cili realizoi për 2:1 dhe vulosi fitoren e rëndësishme të Malishevës, që me këto tre pikë vazhdon të mbajë hapin e kreut të tabelës. /IndeksOnline

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.