KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Zjarrfikësit në Gjilan pajisen me pajisje moderne në vlerë prej 17,497 eurosh

Zjarrfikësit në Gjilan pajisen me pajisje moderne në vlerë prej 17,497 eurosh

Njësia Profesionale e Zjarrfikjes dhe Shpëtimit në Gjilan është pajisur me pajisje moderne në vlerë prej 17,497 eurosh, me qëllim të rritjes së kapaciteteve për reagim në raste emergjente.

Lajmin e ka bërë të ditur Komuna e Gjilanit, përmes një njoftimi në Facebook, ku thuhet se furnizimi është realizuar nga Drejtoria për Mbrojtje dhe Shpëtim, në bashkëpunim me Agjencinë e Menaxhimit të Emergjencave (AME).

Në pranimin e pajisjeve ka marrë pjesë edhe drejtori Enver Shabani, i cili ka theksuar rëndësinë e këtij furnizimi për rritjen e gatishmërisë dhe efikasitetit të ekipeve të shpëtimit.

Sipas njoftimit, pajisjet e reja do të përdoren gjatë intervenimeve në raste zjarresh, aksidentesh, vërshimesh, tërmetesh dhe situatash të tjera emergjente.

Komuna e Gjilanit ka falënderuar Agjencinë e Menaxhimit të Emergjencave për bashkëpunimin dhe mbështetjen në fuqizimin e kapaciteteve të zjarrfikësve. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.