Vendimi për shtyrjen e ndeshjes mes Paris Saint-Germainit dhe Lyonit ka shkaktuar pakënaqësi te tifozët parisienë, të cilët nuk e kanë pritur mirë ndryshimin e kalendarit.
Ndeshja zhvillohet në mbrëmjen e Topit të Artë
Përballja e vlefshme për javën e tetë të Ligue 1 ishte planifikuar të luhej të dielën, por autoritetet policore në Paris e ndaluan zhvillimin e saj për shkak të shqetësimeve të sigurisë dhe protestave të paralajmëruara në kryeqytetin francez.
Liga franceze vendosi që takimi të zhvillohet të hënën, më 26 tetor, në orën 20:30.
Ky ndryshim ka krijuar një tjetër problem për PSG-në, pasi ndeshja përkon me ceremoninë e ndarjes së çmimit “Topi i Artë” në Londër.
Tifozët shprehin pakënaqësinë
Shtyrja ka nxitur reagime te mbështetësit e klubit parisien, të cilët kundërshtojnë ndryshimin e programit dhe pasojat që ai sjell për skuadrën dhe tifozët.
PSG-ja dhe Lyoni janë ndër skuadrat që po luftojnë për kreun e kampionatit francez, ndaj kjo përballje ka rëndësi të veçantë në garën për titull. /Zëri