Holly Ramsay ka tërhequr vëmendjen me paraqitjen e saj elegante në festën e 60-vjetorit të babait të saj të famshëm, shefit të kuzhinës Gordon Ramsay.
Influencerja, e cila është në pritje të ëmbël, publikoi në Instagram disa fotografi nga festa familjare, ku shfaqi edhe barkun e saj të rrumbullakosur me një fustan të zi elegant.
Holly pozoi para pasqyrës, duke mbajtur duart mbi barkun e saj, ndërsa në një tjetër fotografi u shfaq pranë bashkëshortit të saj, notarit Adam Peaty, 31 vjeç, i cili kishte zgjedhur një kostum elegant.
Familja festoi ditëlindjen e shefit të njohur në restorantin e tij francez Pétrus by Gordon Ramsay, në Knightsbridge të Londrës, i cili mban një yll Michelin.
Holly ndau gjithashtu pamje nga menyja luksoze e mbrëmjes dhe një fotografi të pecetës së saj, ku ishte qëndisur emri “GR60 Holly”, në nder të ditëlindjes së të atit.
Krahas fotografive, ajo shkroi shkurtimisht “GR60”, duke shoqëruar postimin me simbole festive.