(E përditësuar) – Komisioni Qendror i Zgjedhjeve (KQZ) po vazhdon verifikimin dhe numërimin e 3,185 pakove të supozuara me fletëvotime që kanë ardhur së fundmi nga diaspora.
Deri më tani janë numëruar 28 kuti votimi, ndërsa mbeten për t’u numëruar edhe 9 të tjera.
Rezultatet e përkohshme nga këto fletëvotime janë:
LVV: 1779 vota
PDK: 276 vota
LDK: 160 vota
AAK: 85 vota
Këto rezultate nuk kanë ndryshuar raportin e mëparshëm të mandateve në Kuvend.
Fletëvotimet janë tërhequr nga kutitë postare në disa qytete të diasporës: Paris (1,962), Berlin (633), Hagë (61), Podgoricë (125) dhe Otavë (404).
Numërimi i këtyre votave shënon përfundimin e procesit të numërimit të të gjitha fletëvotimeve për zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025./Telegrafi/
