Abraham Quintanilla Jr., babai dhe menaxheri i ikonës së muzikës latine, Selena, ka ndërruar jetë në moshën 86 vjeç.
Lajmin e bëri të ditur djali i tij, AB Quintanilla III, përmes një postimi në Instagram: “Me zemër të thyer ju njoftoj se babai im ndërroi jetë sot”. Shkaku i vdekjes nuk është bërë i ditur.
I lindur më 22 shkurt 1939 në Corpus Christi, Teksas, Quintanilla filloi karrierën e tij muzikore si adoleshent me grupin vokal Dinos dhe më vonë formoi Selena y Los Dinos për të promovuar talentin e vajzës së tij, Selena Quintanilla-Perez, shkruan Variety.
Screenshot
Ai shërbeu si menaxher dhe udhëheqës i grupit, duke ndihmuar në arritjen e suksesit të Selenës dhe duke sfiduar industrinë Tejano të dominuar nga meshkujt.
Pas vdekjes tragjike të Selenës më 31 mars 1995, Quintanilla mbeti kujdestari i trashëgimisë së saj artistike, duke punuar si producent ekzekutiv në filmin biografik “Selena” (1997) dhe duke qenë pjesë e projekteve të shumta dokumentare dhe muzikore që nderojnë jetën e saj.
Screenshot
Ai gjithashtu themeloi Fondacionin Selena dhe vazhdoi të mentoronte talente të rinj përmes kompanisë së tij, Q-Productions.
Quintanilla mbetet një figurë qendrore në historinë e muzikës latine, duke lënë pas një trashëgimi të pasur dhe të paharrueshme për vajzën e tij dhe fansat e saj në mbarë botën. /Telegrafi/
Screenshot