Richard Sterban, një anëtar i hershëm i grupit amerikan të muzikës country The Oak Ridge Boys, ka vdekur në moshën 84 vjeç. Lajmi për vdekjen e tij u konfirmua nga familja dhe anëtarët e grupit.
Sterban ishte i njohur për zërin e tij të thellë, i cili ishte veçanërisht i dukshëm në hitin e madh “Elvira”, transmeton Indeksonline.
Muzikanti vdiq të shtunën në Hendersonville, Tennessee, nga ndërlikimet e shkaktuara nga bronkiti dhe pneumonia. Ai vuante gjithashtu nga kanceri i pankreasit për një kohë të gjatë.
“Me hidhërim të madh njoftojmë ndarjen nga jeta të kolegut dhe vëllait tonë Richard Sterban. Faleminderit për dashurinë, mbështetjen dhe lutjet tuaja. Ju kërkojmë që të vazhdoni të jeni me ne gjatë këtyre kohërave të vështira. Gjejmë ngushëllim duke ditur se ai tani është ballë për ballë me Jezusin”, thanë anëtarët e grupit në Facebook./Indeksonline/

