KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Bota

Trump thotë se nuk ka dëgjuar për kufizimet e Starlink-ut në Ukrainë

Trump thotë se nuk ka dëgjuar për kufizimet e Starlink-ut në Ukrainë

Presidenti amerikan, Donald Trump, ka deklaruar se nuk ka qenë në dijeni të raportimeve për kufizime në funksionimin e sistemit satelitor Starlink në Ukrainë, i cili përdoret edhe nga ushtria ukrainase për komunikim dhe koordinim në terren.

Trump i bëri këto komente të hënën, më 16 nëntor, gjatë një bisede me gazetarët. I pyetur se përse Ukraina po përballet sërish me ndërprerje në shërbimin Starlink, presidenti amerikan u përgjigj se nuk kishte dëgjuar për një situatë të tillë, transmeton Telegrafi.

Ndërkohë, presidenti ukrainas, Volodymyr Zelensky, kishte deklaruar së fundmi se kompania SpaceX e kishte njoftuar Ministrinë e Mbrojtjes së Ukrainës se nuk kishte vendosur asnjë kufizim në funksionimin e sistemit Starshield dhe se problemi ishte i natyrës teknike.

Megjithatë, më 12 nëntor, Zelensky kishte bërë të ditur se ushtria ukrainase po përjetonte ndërprerje të konsiderueshme në funksionimin e Starshield prej disa ditësh. Këto probleme kanë ngritur shqetësime lidhur me ndikimin që mund të kenë në komunikimin dhe operacionet ushtarake të Ukrainës.

Çështja ka tërhequr vëmendjen edhe të aleatëve evropianë të Kievit. Kryeministrja daneze, Mette Frederiksen, ka shprehur shqetësimin për ndërprerjet e Starshield në Ukrainë dhe ka premtuar se do ta diskutojë këtë çështje me Shtetet e Bashkuara.

Ndërkohë, 105 anëtarë të grupit dypartiak për Ukrainën në Dhomën e Përfaqësuesve të Kongresit amerikan u kanë bërë thirrje administratës së Trumpit dhe kompanisë SpaceX që t’ia rikthejnë ushtrisë ukrainase qasjen e plotë në sistemin Starshield.

Kërkesa e tyre vjen në një kohë kur sistemet satelitore të komunikimit kanë rëndësi të madhe për ushtrinë ukrainase, veçanërisht për koordinimin e njësive dhe shkëmbimin e informacionit në fushëbetejë. Ndërsa autoritetet ukrainase kanë raportuar për probleme në funksionim, SpaceX ka këmbëngulur se nuk ka vendosur kufizime dhe se vështirësitë janë teknike. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.