Prokuroria Themelore në Pejë ka bërë të ditur se ka pranuar një video nga një qytetar, në të cilën shihet një person duke ushtruar dhunë ndaj një viktime në qytet.
Pas pranimit të pamjeve, prokurorja kujdestare nga Departamenti i Përgjithshëm ka autorizuar Policinë e Kosovës që të identifikojë personin e dyshuar dhe viktimën, si dhe të ndërmarrë veprimet e nevojshme hetimore dhe ligjore.
Hetuesit e Stacionit Policor në Pejë kanë shoqëruar në polici të dy personat për procedura të mëtejshme.
Pas intervistimit, i dyshuari është ndaluar për 48 orë, me urdhër të prokurorit të shtetit.
Burimi: dukagjini.com ↗

