Kylian Mbappe ka arritur shifrën e 100 golave me fanellën e Real Madridit, por statistikat e tij kanë hapur një debat mbi ndikimin e francezit në suksesin e skuadrës madrilene.
Nga 100 golat e shënuar, 21 kanë ardhur nga pika e bardhë e penalltisë. Kjo do të thotë se 21 për qind e realizimeve të tij me Real Madridin janë shënuar nga 11-metërshi.
Sipas të dhënave të publikuara nga mediat spanjolle, Mbappe ka realizuar 21 nga 26 penalltitë e ekzekutuara si lojtar i Real Madridit.
Por kontrasti më i madh shfaqet në statistikat ekipore. Që nga ardhja e francezit në Madrid, Barcelona ka shënuar 316 gola në La Liga, ndërsa Real Madridi 267. Pra, katalunasit kanë realizuar 49 gola më shumë.
Kjo statistikë ngre pikëpyetje për dallimin mes shkëlqimit individual të Mbappes dhe fuqisë kolektive të Real Madridit.
Francezi vazhdon të shënojë me ritëm të lartë, por kjo nuk është përkthyer domosdoshmërisht në dominim të skuadrës madrilene. /Zëri