Shërbimi Korrektues i Kosovës ka paraparë mbi 2.6 milionë euro për furnizimin me uniforma dhe këpucë për stafin korrektues.
Sipas njoftimit të publikuar në platformën e prokurimit publik, bëhet fjalë për një aktivitet të prokurimit me vlerë të parashikuar prej 2 milionë e 659 mijë e 693 euro e 80 centë, raporton Indeksonline.
Procedura është e hapur dhe ka të bëjë me furnizimin me uniforma për stafin e Shërbimit Korrektues të Kosovës.
Në platformë është publikuar formulari B54 për korrigjimin e gabimeve në njoftimet e publikuara.
Afati për dorëzimin e ofertave është caktuar deri më 7 dhjetor 2026, në orën 13:30.
Burimi: indeksonline.net ↗

