Sekretari i Përgjithshëm i Këshillit të Evropës, Alain Berset, ka njoftuar se është takuar me kryeministrin e Kosovës, Albin Kurti, në margjinat e Samitit të Komunitetit Politik Evropian në Dublin të Irlandës.
Përmes një njoftimi në platformën X më 12 nëntor, Berset ka thënë se Këshilli i Evropës e mbështet rrugën evropiane të Kosovës përmes standardeve ligjore, ekspertizës dhe pranisë në terren.
Ai ka theksuar se stabiliteti në Ballkanin Perëndimor është thelbësor për sigurinë demokratike të Evropës, duke shtuar se dialogu dhe angazhimi i vazhdueshëm janë kyç për ndërtimin e besimit në rajon.
Në fund të njoftimit, Berset ka përfshirë edhe saqrimin e përdorimit të fusnotës për Kosovën.
“Të gjitha referimet ndaj Kosovës, qoftë territorit, institucioneve apo popullsisë së saj, në këtë tekst duhet të kuptohen në përputhje të plotë me Rezolutën 1244 të Këshillit të Sigurimit të Kombeve të Bashkuara dhe pa paragjykuar statusin e Kosovës.”, ka shkruar Berset.
Spoke with PM @albinkurti on the margins of #EPC in Dublin.
The Council of Europe supports Kosovo’s* European path through its legal standards, expertise and field presence. Stability in the Western Balkans is essential to Europe’s democratic security. Continued dialogue and engagement are key to building trust across the region.
*All references to Kosovo, whether the territory, institutions or population, in this text shall be understood in full compliance with United Nations’ Security Council Resolution 1244 and without prejudice to the status of Kosovo.
— Alain Berset (@alain_berset) November 12, 2026