Real Madridi po planifikon një goditje të madhe në tregun e transferimeve, duke e vendosur Bukayo Sakan në krye të listës së dëshirave.
Sipas mediave spanjolle, Florentino Perez e sheh sulmuesin anglez si përforcimin ideal për krahun e djathtë të sulmit, ndërsa pasiguria për të ardhmen e Rodrygos dhe Brahim Diazit ka shtyrë drejtuesit madrilenë të kërkojnë alternativa të nivelit të lartë, transmeton Klankosova.tv.
Megjithatë, transferimi i 25-vjeçarit do të jetë shumë i vështirë. Arsenali e ka lidhur Sakan me kontratë deri në qershor të vitit 2030 dhe nuk dëshiron ta humbasë yllin e vet. Gjithmonë sipas mediave spanjolle, klubi londinez do të shqyrtonte vetëm oferta prej 150 deri në 160 milionë eurosh, një shumë që do ta detyronte Real Madridin të bënte një investim gjigant.