Real Madridi po e përcjell nga afër mbrojtësin kroat të Brightonit, Luka Vuskovic, si objektiv për verën e vitit 2027, por përballet me konkurrencë të fortë nga Barcelona dhe Liverpooli.
Me largimet e pritshme të Antonio Rudigerit dhe Raul Asencios, madrilenët po kërkojnë përforcime në mbrojtje dhe krahas Nico Schlotterbeckut, kanë piketuar 19-vjeçarin kroat.
Sipas TalkSport, Vuskovic iu bashkua Brightonit verën e kaluar nga Tottenhami për 50 milionë funte dhe këtë sezon ka regjistruar 16 paraqitje, një gol e dy asistime, transmeton IndeksOnline.
Përveç Barcelonës që kërkon përforcime në prapavijë, në garë është edhe Liverpooli, që e sheh reprezentuesin e Kroacisë si zëvendësues afatgjatë të Virgil van Dijkut.
Megjithatë, transferimi mbetet i vështirë: Vuskovic është i lumtur te “Pulëbardhat” dhe ka kontratë deri në vitin 2031, ndaj një largim në janar është përjashtuar, ndërsa në verë do të kërkonte një shumë marramendëse. /IndeksOnline/

