KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027-28

Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027-28

Fitore Pacolli, ministre e Mjedisit dhe Planifikimit Hapësinor, përmes një postimi në Facebook, ka thënë se mandati aktual i qeverisë do të jetë ‘’mandati i digave’’.

Pacolli, në postimin e saj thotë se, tanimë janë në proces pesë diga strategjike, me të cilat synohet sigurimi i rezervave të reja ujore për furnizim me ujë të pijshëm, bujqësi dhe energji.

‘‘Kuqica: Projektimi final përmbyllet gjatë vitit 2027, kur hapet edhe tenderi për ndërtim. Punimet nisin në vitin 2028; Pollata: Dizajni konceptual ka përfunduar. Gjatë vitit 2027 përmbyllet projekti final dhe hapet tenderi. Ndërtimi nis në vitin 2028; Desivojca: Studimet përgatitore kanë përfunduar dhe projekti detal është në proces të kompletimit. Përmbyllet në vitin 2027, ndërsa ndërtimi nis në vitin 2028; Firaja: Studimet përgatitore kanë përfunduar dhe projekti detal është në proces të kompletimit. Përmbyllet në vitin 2027, ndërsa ndërtimi nis në vitin 2028; Dragaqina: Projekti është në fazën përgatitore dhe projektuese, ndërsa ndërtimi planifikohet të nisë në vitin 2029’’, ka shkruar Pacolli.

Ministrja, në postimin e saj deklaron po ashtu se financimi i digave të lartpërmendura do bëhet nga buxheti i vendit, grantet dhe kreditë e buta. Ajo shton edhe se ka nisur ‘’bashkëpunimin me Turqinë për ekspertizë teknike dhe garantimin e standardeve më të larta të ndërtimit’’.

Në anën tjetër, deputetja e Lidhjes Demokratike të Kosovës, Hykmete Bajrami, ka deklaruar se qeveria, në buxhetin e vitit 2027, s’ka ndarë më shumë se 1.5 milionë euro për digat.

Bajrami, thekson edhe se, ky buxhet është ndarë nga premtimi prej 400 milionë eurosh investime.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.