KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Protesta në mbi 100 qytete të Italisë, mijëra punëtorë e studentë protestojnë për paga më të larta

Protesta në mbi 100 qytete të Italisë, mijëra punëtorë e studentë protestojnë për paga më të larta

Dhjetëra mijëra punëtorë dhe studentë kanë dalë të premten në rrugët e qyteteve të ndryshme të Italisë, në kuadër të një greve të përgjithshme të organizuar nga konfederata më e madhe e sindikatave në vend, CGIL.

Protestuesit kërkuan rritje të pagave dhe më shumë investime në shërbimet publike, ndërsa demonstratat u zhvilluan në një kohë kur në disa vende evropiane po shtohen mobilizimet e të rinjve.

Protestat e studentëve ishin planifikuar edhe në Gjermani, Francë, Britani, Austri, Belgjikë dhe Spanjë, me kërkesa që lidhen me rritjen e kostos së jetesës dhe shpenzimet ushtarake.

Kreu i CGIL-it, Maurizio Landini, tha se kjo ishte një ditë e rëndësishme, pasi të rinjtë po protestojnë jo vetëm në Itali, por në të gjithë Evropën.

“Ndër njerëzit e zakonshëm në të gjithë Evropën, kërkesa për ndryshim po rritet”, deklaroi Landini.

Në grevë u përfshinë punëtorë të sektorit publik dhe privat, përfshirë ata të arsimit dhe shëndetësisë. Aksionet u organizuan edhe nga sindikata të tjera italiane, përfshirë lëvizjen Cobas, ndërsa pakënaqësitë lidhen edhe me politikat e qeverisë së kryeministres Giorgia Meloni.

Transporti ajror dhe ai hekurudhor nuk u përfshinë në grevën e përgjithshme, ndërsa ndikimi në transportin publik lokal ishte i kufizuar për shkak të shërbimeve minimale të detyrueshme.

Megjithatë, një grevë e veçantë e transportit hekurudhor ishte planifikuar të niste të premten në orën 21:00 dhe të vazhdonte deri të shtunën në orën 20:00.

Duke folur në një tubim në Romë, Landini deklaroi se më shumë se një milion persona kishin marrë pjesë në protestat e organizuara në mbi 100 qytete italiane. Ndërkaq, Ministria e Brendshme e Italisë tha se ishte ende herët për të dhënë një vlerësim të pjesëmarrjes.

Protestat zhvillohen në prag të zgjedhjeve parlamentare në Itali, të cilat pritet të mbahen në vitin 2027.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.