Përfaqësues të Forcës së Sigurisë së Kosovës kanë përfunduar me sukses Kursin Ndërkombëtar për Nënoficerët e Lartë të Komandës, të mbajtur në Akademinë Ushtarake “Dr. Franjo Tugjman” në Kroaci, së bashku me pjesëmarrës nga 11 shtete.
Ministri i Mbrojtjes, Ejup Maqedonci, përmes një postimi, ka theksuar se avancimi i edukimit dhe zhvillimi profesional i pjesëtarëve të FSK-së mbeten ndër prioritetet e vazhdueshme të Ministrisë së Mbrojtjes.
Sipas tij, pjesëmarrja në programe të tilla ndërkombëtare krijon mundësi për ngritjen e kapaciteteve profesionale, shkëmbimin e përvojave dhe forcimin e bashkëpunimit me vendet partnere.
Maqedonci ka uruar pjesëtarët e FSK-së për përfaqësimin e Republikës së Kosovës në këtë program ndërkombëtar.
Burimi: klankosova.tv ↗