KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Paralajmërohen protesta nëse institucionet vazhdojnë të heshtin për ish-krerët e UÇK-së

Paralajmërohen protesta nëse institucionet vazhdojnë të heshtin për ish-krerët e UÇK-së

Iniciativa qytetare “Liria ka Emër” ka zhvilluar një aksion simbolik para Zyrës së Bashkimit Evropian në Prishtinë, pas shpalljes së aktgjykimit ndaj ish-presidentit të Kosovës, Hashim Thaçi.

Gjatë aksionit, Çlirim Haziri, nga iniciativa qytetare “Jo në emrin tim”, ka paralajmëruar protesta nëse institucionet vazhdojnë të heshtin përballë shqetësimeve lidhur me procesin gjyqësor ndaj ish-krerëve të Ushtrisë Çlirimtare të Kosovës (UÇK).

Haziri u ka bërë thirrje Bashkimit Evropian dhe përfaqësuesve të tij në Kosovë që të reagojnë ndaj shqetësimeve të ngritura për mënyrën e zhvillimit të procesit gjyqësor në Hagë.

“Ne nuk kërkojmë trajtim të privilegjuar për Thaçin dhe të tjerët. Kërkojmë atë që i takon çdo njeriu, drejtësi të paanshme dhe respektim të dinjitetit njerëzor”, ka deklaruar Haziri.

Ai ka kërkuar që institucionet dhe përfaqësuesit evropianë të mos i injorojnë shqetësimet e ngritura, duke insistuar në respektimin e të drejtave dhe lirive themelore të njeriut.Në kuadër të aksionit, para objektit të BE-së është vendosur një pankartë me mbishkrimin “Evropë, ku është drejtësia?”, përmes së cilës organizatorët kanë shprehur pakënaqësitë e tyre ndaj drejtësisë ndërkombëtare.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.