Pedri ka folur hapur për mundësinë e një rikthimi të Lionel Messit te Barcelona, duke e vlerësuar maksimalisht legjendën argjentinase.
Në deklarata të cituara nga Sport, mesfushori u shpreh:
“Sigurisht që do të më pëlqente të luaja sërish me të, pa asnjë dyshim. Ai është më i miri në histori dhe më ndihmoi jashtëzakonisht shumë gjatë vitit që luajtëm bashkë”.
Në të njëjtat deklarata, Pedri nuk kurseu lavdërime as për trajnerin Hansi Flick, duke theksuar ndikimin e tij pozitiv brenda klubit:
“Ai është i jashtëzakonshëm. Brenda klubit, për sa i përket seriozitetit, ka ndryshuar shumë gjëra. I ka dhënë Barcelonës një prekje gjermane. Në përditshmëri është shumë familjar, gjithmonë na ndihmon dhe na jep këshilla, sidomos në aspektin taktik”.
Pedri mbrojti gjithashtu filozofinë e presionit të lartë dhe vijën e avancuar mbrojtëse, e cila nga jashtë mund të duket e rrezikshme për shkak të hapësirave që lihen pas:
“Nëse skuadra ushtron presion lart, është shumë e vështirë për kundërshtarin”.
Deklaratat e Pedrit forcojnë edhe një herë respektin e madh për Messin dhe besimin te projekti aktual i Barcelonës nën drejtimin e Hansi Flick. /Telegrafi/