KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Pagesat nga GEN-I dhe përqindja prej 0.5% – Martin Berishaj përgjigjet për kontratat e energjisë

Pagesat nga GEN-I dhe përqindja prej 0.5% – Martin Berishaj përgjigjet për kontratat e energjisë

Në Debat Plus, gazetari Lirim Mehmetaj e ka pyetur ambasadorin e Kosovës në Kroaci, Martin Berishaj, lidhur me pagesën prej 0.5 për qind të vlerës së kontratave për furnizim me energji elektrike, të cilat kompania GEN-I Beograd kishte deklaruar se i kishte paguar atij.

Pyetja e Mehmetajt vjen pas raportimeve në mediat sllovene për hetimet lidhur me transaksionet financiare mes kompanisë GEN-I Beograd dhe bizneseve të Berishajt.

Në një emision të televizionit publik slloven RTVSLO, kryetari i bordit të GEN-I në Slloveni, Maks Helbl, kishte deklaruar se GEN-I Beograd i kishte paguar Berishajt 0.5 për qind të vlerës së kontratave për furnizim me energji elektrike, të cilat ai kishte ndihmuar t’i siguronin në Kosovë, Shqipëri dhe Mal të Zi.

Duke iu referuar këtij raportimi, Mehmetaj e ka pyetur Berishajn nëse e konfirmon këtë deklarim dhe nëse pagesat ishin bërë me dijeninë e tij.

“Nuk e di çka jeni duke thënë, për besë. Jeni duke thirrë nëntë e gjysmë në mbrëmje… Sinqerisht nuk jam duke ju kuptuar. Ngadalë, se ia keni çuar pak ndal kësaj pune”, është përgjigjur Berishaj.

Ai më pas ka kundërshtuar atë që e ka quajtur insinuata, duke i kërkuar gazetarit të shikojë periudhën kur kishte qenë këshilltar në GEN-I.

“Pse merreni me këto insinuata? Ju duhet me pa se kur kam qenë si këshilltar në GEN-I”, ka thënë Berishaj.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.