Astrit Haraqia dhe personave të tjerë të arrestuar dje në Prishtinë u është caktuar masa e paraburgimit prej një muaji, raporton Indeksonline.
Prokuroria Themelore në Prishtinë kishte kërkuar caktimin e kësaj mase ndaj gjashtë të dyshuarve, të arrestuar në kuadër të aksionit të koduar “Heshtja”.
Sipas dosjes së Prokurorisë, të dyshuarit dyshohet se kanë qenë pjesë e një grupi të organizuar që merrej me blerjen, posedimin, shpërndarjen dhe shitjen e kokainës në zona të ndryshme të Prishtinës.
Ndërkaq, gjatë bastisjeve në banesën e Haraqisë është gjetur dhe sekuestruar një pistoletë me karikator dhe gjashtë fishekë, si dhe para të gatshme dhe dy telefona iPhone.
Burimi: gazetablic.com ↗

