Autoritetet amerikane kanë ndërmarrë masa të rrepta sigurie për transferimin e presidentit venezuelian Nicolas Maduro drejt një gjykate federale në Nju Jork.
Ai u nxor nga Qendra e Paraburgimit Metropolitan në Brooklyn dhe u shoqërua nga agjentë të DEA-s nën masa të jashtëzakonshme sigurie.
Rrugët përgjatë itinerarit drejt Gjykatës Federale Daniel Patrick Moynihan në Manhattan u mbyllën për publikun.
Sipas autoriteteve, qëllimi ishte të shmangej çdo kontakt i Maduro dhe bashkëshortes së tij, Cilia Flores, me qytetarët.
Transferimi u krye me automjet dhe më pas me helikopter mbi Manhattan.
Maduro, 63 vjeç, dhe Flores, 69 vjeçe, pritet të dalin para gjykatës këtë pasdite.
Prokurorja e përgjithshme e SHBA-së, Pam Bondi, tha se ai përballet me akuza të rënda penale.
Akuzat përfshijnë komplot për narkoterrorizëm, import kokaine dhe posedim armësh të rënda kundër Shteteve të Bashkuara. /Telegrafi/