Lamine Yamal vazhdon të thyejë rekorde. Sulmuesi i krahut të djathtë i Barcelonës vazhdon të shkruajë emrin e tij në historinë e futbollit.
Këtë të martë, kundër Aston Villas, Yamal shtoi një tjetër arritje në karrierën e tij të shkurtër, por të suksesshme dhe të frytshme: me golin e tij kundër skuadrës së Unai Emery në Camp Nou, ai u bë lojtari me më shumë gola në historinë e Ligës së Kampionëve nën moshën 20 vjeç.
Yamal ishte i barabartë me Kylian Mbappen me 13 gola. Por, lojtari nga Rocafonda tani ka lëshuar golin e 14-të duke vendosur rekord të ri.
Reprezentuesi spanjoll shënoi pesë gola në garën më të madhe kontinentale në sezonin 2024-25, gjashtë në 2025-26, dhe tashmë ka tre këtë sezon: ai gjeti rrjetën kundër Feyenoord, PSG dhe këtë të martë kundër Aston Villa. Por ky nuk është rekordi i vetëm që 19-vjeçari ka thyer në Ligën e Kampionëve.
Lamine, një histori e Ligës së Kampionëve
Lista e tij është pothuajse e pafundme. Ndër arritjet e tij në turneun më elitar evropian të klubeve, ai spikat me: të qenit lojtari më i ri që ka filluar një ndeshje (16 vjeç e 83 ditë); më i riu që ka arritur dhjetë ndeshje (16 vjeç e 278 ditë); më i riu që ka shënuar dhe ka asistuar në një ndeshje (17 vjeç e 241 ditë); më i riu që ka arritur 20 ndeshje (17 vjeç e 270 ditë); më pak përvojë për të shënuar gol në një gjysmëfinale (17 vjeç e 291 ditë); dhe lojtari me më shumë gola para se të mbushte 19 vjeç (11 gola).
Megjithatë, Lamine Yamal nuk është profesionisti më i ri që ka marrë pjesë në një ndeshje të Ligës së Kampionëve, pasi ky rekord mbahet nga Max Dowman i Arsenalit, i cili e bëri këtë në moshën 15 vjeç e 308 ditë, më 4 nëntor 2025. /Telegrafi/