Këngëtarja amerikane, Britney Spears, ka rikthyer vëmendjen te periudha e vështirë e kujdestarisë ligjore që zgjati 13 vjet, duke pranuar se ende ndjen hidhërim për mënyrën se si u trajtua nga familja e saj.
44-vjeçarja publikoi në Instagram një video me të brendshme të zeza, të shoqëruar me një përshkrim të gjatë, ku iu kundërpërgjigj atyre që në të kaluarën e kishin quajtur ‘të çmendur’.
“Po, jam e hidhëruar”, shkroi Spears, duke iu referuar kohës, mundësive dhe lirisë që, sipas saj, i ishin mohuar gjatë asaj periudhe.
Britney me të ëmën
Ajo tregoi se për vite me radhë nuk kishte mundur as të udhëtonte lirshëm për të takuar një mikeshë, për shkak të angazhimeve dhe kufizimeve që përjetonte.
Spears u vendos nën kujdestari ligjore në shkurt të vitit 2008, pas një periudhe krizash personale që u bënë publike.
Kujdestaria, e cila i jepte babait të saj, Jamie Spears, kontroll të gjerë mbi çështjet e saj financiare dhe personale, përfundoi në nëntor të vitit 2021.
Britney me babanë
Pas përfundimit të kujdestarisë, marrëdhënia e Britneyt me prindërit ka mbetur e tensionuar.
Megjithatë, vazhdon të ketë lidhje me dy djemtë e saj, Sean Preston dhe Jayden James, nga martesa e mëparshme me Kevin Federline.
Britney me familje
Në jetën sentimentale, këngëtarja u martua me Sam Asgharin në vitin 2022, por çifti u divorcua në vitin 2024. /Telegrafi/