KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ish-kandidatja e VV-së për Kuvendin Komunal të Kaçanikut shpallet fituese në konkursin e ATK-së

Ish-kandidatja e VV-së për Kuvendin Komunal të Kaçanikut shpallet fituese në konkursin e ATK-së

Magbule Jaha, e cila kishte kandiduar për anëtare të Kuvendit Komunal të Kaçanikut nga radhët e Lëvizjes Vetëvendosje, është shpallur kandidate fituese në konkursin e Administratës Tatimore të Kosovës (ATK) për pozitën Zyrtare për Recepsion në rajonin e Ferizajt.

Sipas rezultateve të publikuara nga ATK-ja, Jaha ka arritur të grumbullojë gjithsej 96.2 pikë në procesin e vlerësimit.

Nga ky rezultat, 50 pikë i ka marrë në testin me shkrim, ndërsa 46.2 pikë në intervistën me gojë.

Ky zhvillim vjen pasi më herët VOX Kosova kishte raportuar se në një konkurs tjetër të ATK-së ishte pranuar edhe kunata e deputetes së Lëvizjes Vetëvendosje, Arjeta Fejza, për pozitën përkatëse në rajonin e Mitrovicës.

Çështja e punësimeve në institucionet publike dhe pretendimet për ndikime politike apo familjare në konkurse publike kanë qenë vazhdimisht temë e debatit politik në Kosovë.

Ndërkaq, Lëvizja Vetëvendosje, sa ishte në opozitë, kishte kritikuar vazhdimisht partitë në pushtet për nepotizëm dhe politizim të institucioneve publike.

Për rastin konkret, pikëzimi në konkurs dhe shpallja e kandidates fituese nuk dëshmojnë vetvetiu ndonjë parregullsi në procesin e përzgjedhjes. /Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.