KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Haradinaj: Vizioni shtetformues i presidentit Rugova themel i shtetit të Kosovës

Haradinaj: Vizioni shtetformues i presidentit Rugova themel i shtetit të Kosovës

Kryetari i AAK-së, Ramush Haradinaj, ka kujtuar presidentin historik të Kosovës, Ibrahim Rugova, në 20-vjetorin e ndarjes së tij nga jeta, duke theksuar rolin vendimtar të Rugovës në ditët e para të lirisë dhe të shtetndërtimit.

Në profilin e tij në Facebook, Haradinaj ka theksuar se ka pasur nderin të bashkëpunojë me Presidentin Rugova në një periudhë jashtëzakonisht të ndjeshme për Kosovën, kur po viheshin themelet e shtetit të ri.

“Sot, në përvjetorin e 20-të të ndarjes së tij nga jeta, e kujtojmë me respekt të thellë dhe mirënjohje të përhershme”, ka shkruar Haradinaj, duke vlerësuar vizionin shtetformues të Rugovës.

“Presidenti Rugova i kushtoi rëndësi të veçantë forcimit të lidhjeve me Perëndimin, duke ndërtuar dhe kultivuar miqësinë e përhershme me Shtetet e Bashkuara të Amerikës, orientim që i parapriu pavarësisë së Kosovës dhe që vazhdon të mbetet boshti kryesor i vizionit shtetëror të vendit”, përfundoi. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.