KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Haradinaj: Rezultati i zgjedhjeve nuk zgjidh shqetësimet e qytetarëve

Haradinaj: Rezultati i zgjedhjeve nuk zgjidh shqetësimet e qytetarëve

Kryetari i Aleancës për Ardhmërinë e Kosovës, Ramush Haradinaj, ka komentuar rezultatet e Zgjedhjeve të Jashtëzakonshme Parlamentare, duke theksuar se pavarësisht përfundimit të ngërçit institucional, problemet kryesore të qytetarëve mbeten të pazgjidhura.

Në një postim në Facebook, Haradinaj ka deklaruar se qytetarët gjatë fushatës kanë shprehur shqetësime për kolapsin energjetik, ngecjet në proceset integruese euro-atlantike, uljen e investimeve kapitale, pezullimin e projekteve të mëdha, rritjen e kostos së jetesës, stagnimin e pagave dhe largimin e të rinjve nga vendi.

“Rezultati i këtyre zgjedhjeve e zgjidh ngërçin institucional, por kam frikë se nuk i zgjidh problemet dhe shqetësimet e qytetarëve. Kosova do të dobësohet në planin e brendshëm dhe të jashtëm, ndërsa do të fitojnë armiqtë e saj”, ka shkruar ai.

Haradinaj ka bërë të ditur se Aleanca do të respektojë votën e qytetarëve, por do të analizojë proceset e brendshme dhe do të organizojë zgjedhje brenda partisë këtë pranverë për të forcuar strukturat e saj.

Ai gjithashtu ka falënderuar votuesit, aktivistët e partisë dhe kandidatët e Listës 129 për angazhimin gjatë garës zgjedhore.

“Krah teje, Kosovë, pa asnjë kusht!”, ka përfunduar deklaratën e tij Haradinaj. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.