KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Hansi Flick jep “dritën gjelbërt” për Gvardiolin, por Barcelona e ka të vështirë

Hansi Flick jep “dritën gjelbërt” për Gvardiolin, por Barcelona e ka të vështirë

Trajneri i Barcelonës, Hansi Flick, ka miratuar mundësinë e transferimit të mbrojtësit të Manchester Cityt, Josko Gvardiol, gjatë afatit kalimtar të janarit.

Skuadra katalanase është në kërkim të një qendërmbrojtësi këmbëmajtë dhe reprezentuesi kroat shihet si profili ideal që i përshtatet kërkesave taktike të teknikut gjerman, transmeton IndeksOnline.

Megjithatë, sigurimi i shërbimeve të tij nuk pritet të jetë aspak i lehtë, për shkak të çmimit të lartë në treg dhe rëndësisë së madhe që Gvardiol ka në planet e Manchester Cityt.

Sipas mediumit katalanas El Nacional, Gvardiol është një prej emrave që Flick e vlerëson lart për përforcimin e repartit defensiv, ndonëse realizimi i operacionit mbetet shumë i vështirë.

Gjithsesi, Barcelona mund ta rishqyrtojë seriozisht ofensivën për kroatin nëse çështja financiare ndaj Manchester Cityt përfundon me sanksione që do të ndikonin drejtpërdrejt në planet dhe stabilitetin e klubit anglez, proces për të cilin ende nuk ka një vendim përfundimtar.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.