KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Gjermania me përmbysje spektakolare siguron triumfin ndaj Bregut të Fildishtë

Gjermania me përmbysje spektakolare siguron triumfin ndaj Bregut të Fildishtë

Gjermania ka arritur një përmbysje dramatike në minutat e fundit për të mposhtur Bregun e Fildishtë me rezultat 2-1, në ndeshjen e Grupit E të Kupës së Botës 2026.

Sfida nisi me ritëm të lartë, ku të dyja skuadrat treguan intensitet dhe guxim në sulm. Gjermania krijoi rastin e parë serioz me Kai Havertz, por goditja e tij me kokë u ndal nga portieri Yahia Fofana.

Në minutën e 21-të, Aleksandar Pavlovic mendoi se kishte kaluar “Die Mannschaft” në epërsi, por goli u anulua për faull në aksion.

Pas një kundërsulmi të shpejtë, Bregu i Fildishtë arriti të zhbllokojë rezultatin në minutën e 30-të. Franck Kessie përfitoi nga një top i kthyer brenda zonës dhe e dërgoi në rrjetë për 0-1, duke i dhënë avantazhin skuadrës afrikane.

Në pjesën e dytë, Gjermania reagoi fuqishëm dhe bëri disa ndryshime taktike nga Julian Nagelsmann, duke rritur presionin në zonën kundërshtare.

Barazimi erdhi në minutën e 68-të. Nadiem Amiri harkoi saktë në zonë, ku Deniz Undav kontrolloi topin dhe finalizoi bukur për 1-1, duke rikthyer ekuilibrin në ndeshje.

Në minutat e fundit, Gjermania shtoi edhe më shumë presionin dhe kërkoi me ngulm golin e fitores. Rasti më i mirë erdhi në minutën e 90+1, por Amiri humbi një mundësi të artë nga afërsia.

Kur ndeshja po shkonte drejt barazimit, erdhi momenti vendimtar në minutën e 94-të.

Deniz Undav u gjend sërish në vendin e duhur dhe e dërgoi topin në rrjetë për golin e fitores 2-1, duke kompletuar përmbysjen e madhe të Gjermanisë./Telegrafi/

Standings provided by Sofascore
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.