KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Faton Alija nis detyrën si drejtor rajonal i Policisë në Pejë, mban takimin e parë me stafin udhëheqës

Faton Alija nis detyrën si drejtor rajonal i Policisë në Pejë, mban takimin e parë me stafin udhëheqës

Drejtori i sapoemëruar i Drejtorisë Rajonale të Policisë në Pejë, kolonel Faton Alija, ka mbajtur takimin e parë zyrtar me stafin udhëheqës të kësaj drejtorie, ku janë diskutuar prioritetet dhe objektivat për rritjen e sigurisë në rajonin e Pejës.

“Sot, në ambientet e Drejtorisë Rajonale të Policisë në Pejë, Drejtori i sapoemëruar i kësaj drejtorie, Kolonel Faton Alija, ka mbajtur takimin e parë zyrtar me stafin udhëheqës rajonal, ku morën pjesë komandantët e të gjitha stacioneve policore të rajonit të Pejës (Pejë, Istog, Klinë, Deçan dhe Junik) si dhe shefat e njësive rajonale.

Gjatë këtij takimi, Drejtori Rajonal falënderoi stafin udhëheqës dhe të gjithë zyrtarët policorë për angazhimin e deritanishëm në ruajtjen e rendit dhe qetësisë publike.

Në fjalën e tij para të pranishmëve, Drejtori shpalosi vizionin menaxherial dhe kërkoi angazhim maksimal në realizimin e objektivave strategjike të Policisë së Kosovës, me theks të veçantë në:

ngritjen e vazhdueshme të integritetit, disiplinës dhe profesionalizmit policor, intensifikimin e aktiviteteve parandaluese dhe hetimore në luftën kundër kriminalitetit dhe dukurive negative, shtimin e masave për sigurinë në trafikun rrugor, thellimin e bashkëpunimit dhe komunikimit transparent me komunitetin, si partner kyç në garantimin e sigurisë publike.

Nga ana e tyre, komandantët e stacioneve dhe shefat e njësive i dëshiruan mirëseardhje dhe e njoftuan Drejtorin me të arriturat, planet operative si dhe sfidat me të cilat përballen në teren, duke shprehur gatishmërinë e plotë për punë ekipore dhe zbatim të përpiktë të detyrave ligjore.

Drejtoria Rajonale e Policisë në Pejë mbetet e përkushtuar në ofrimin e shërbimeve sa më efikase dhe profesionale për të gjithë qytetarët, pa dallim.”, thuhet në njoftimin e policisë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.