KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

“Është një trajner i shkëlqyer dhe ka një të ardhme të ndritur”, Flick reagon ndaj shkarkimit të Alonsos

“Është një trajner i shkëlqyer dhe ka një të ardhme të ndritur”, Flick reagon ndaj shkarkimit të Alonsos

Trajneri i Barcelonës, Hansi Flick, ka shprehur mendimin e tij mbi shkarkimin e Xabi Alonsos nga Real Madridi, duke theksuar vështirësitë dhe natyrën e paparashikueshme të punës së trajnerit.

Xabi Alonso u shkarkua nga Real Madridi të hënën, vetëm një ditë pas humbjes në finalen e Superkupën e Barcelonës nga Barcelona, duke befasuar shumë njerëz, ndër ta edhe rivalin e tij, Flick.

“Ky është futboll dhe nuk është puna ime. Ajo që mund të them është se kam një marrëdhënie të mirë me Xabin; u takuam në Leverkusen dhe kemi mbajtur kontakt. Është futboll dhe i uroj gjithë të mirat”, ka thënë fillimisht Flick.

“Jam i sigurt se ai do të ketë një projekt të shkëlqyer së shpejti për veten dhe stafin e tij të trajnerëve. Është futboll dhe duhet të ecim përpara, por ai është një trajner i shkëlqyer dhe ka një të ardhme të ndritur”.

“Është pjesë e futbollit dhe nuk mund ta ndryshojmë. Klubi duhet të besojë tek ty, dhe skuadra gjithashtu. Ata që marrin vendime duhet ta bëjnë këtë, dhe Real Madridi e ka bërë në këtë mënyrë, por nuk varet nga unë”.

“Puna e një trajneri është shumë e komplikuar; kemi shumë përgjegjësi, por në fund të fundit, është pjesë e punës sonë dhe duhet të jetojmë me të”, përfundoi trajneri i Barcelonës. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.