Cristiano Ronaldo është gjithnjë e më pranë realizimit të 1000 golave në karrierë.
Kapiteni i Al-Nassr shënoi tri herë ndaj Al-Kholoodit, duke e çuar në 985 numrin e golave sipas statistikave zyrtare të kampionatit saudit.
Por një gol i tij vazhdon të shkaktojë debate. Bëhet fjalë për realizimin në fitoren 3-1 ndaj Al-Faisaly, kur topi përfundoi në rrjetë pas një aksioni që përfshiu Ronaldon dhe mbrojtësin Andre Girotto.
Liga Saudite ia regjistroi golin portugezit, por Opta dhe platforma të tjera statistikore e konsideruan autogol.
Kjo ka bërë që numri i golave të Ronaldos të ndryshojë në varësi të burimit të statistikave.
Sipas shifrave zyrtare saudite, sulmuesit 15 gola i ndajnë nga arritja historike. Nëse goli i diskutueshëm nuk llogaritet, atij i duhen edhe 16 realizime.
Ronaldo vazhdon të shkruajë histori në futbollin botëror, ndërsa çdo gol i tij tashmë analizohet me kujdes, në një garë që po i afrohet fundit të shumëpritur. /Zëri