Cristiano Ronaldo vazhdon t’i afrohet një prej objektivave më të mëdhenj të karrierës së tij, arritjes së 1000 golave, por një legjendë e futbollit saudit ka vendosur t’i bëjë një sfidë të re portugezit.
Mohamed Al-Deayea, ish-portieri legjendar i Al-Hilalit, kishte dyshime nëse Ronaldo do të arrinte ndonjëherë këtë shifër.
Megjithatë, forma e jashtëzakonshme e sulmuesit të Al-Nassr dhe përkushtimi i tij për të vazhduar të luajë në nivelin më të lartë kanë bërë që ai ta ndryshojë qëndrimin.
Duke folur në emisionin “Doreena Ghair”, Al-Deayea vendosi një kusht të qartë për realizimin e objektivit historik.
“Nëse Ronaldo nuk shënon 15 gola para periudhës së dimrit, ai nuk do ta arrijë shifrën prej 1000 golash”, deklaroi ish-portieri saudit.
Por Al-Deayea nuk u ndal me kaq. Ai bëri edhe një koment ironik për nivelin e mbrojtjeve në kampionatin saudit.
“Ronaldo do të arrijë në 1000 gola për sa kohë që kemi skuadra me mbrojtje të tilla”, u shpreh ai.
Deklarata e tij rikthen debatin për nivelin e konkurrencës në Ligën Profesionale Saudite dhe lehtësinë me të cilën Ronaldo po gjen rrugën drejt rrjetës.
Portugezi vjen pas një paraqitjeje fantastike ndaj Al-Khaleejit, ku realizoi hat-trick në fitoren 5-3 të Al-Nassr.
Me këtë sukses, ai e çoi në 885 numrin e golave në karrierë, sipas shifrave të raportuara nga Goal.com.
Ronaldo vazhdon kështu ndjekjen e një rekordi historik, ndërsa sfida e Al-Deayeas i shton edhe më shumë interesimin për golat e tij të ardhshëm. /Zëri