Një zyrtar policor ka bërë të ditur, se deri sa ishte në kryerje të detyrë në zyrën e tij, dy femra të cilat kishin ardhur për të raportuar një dokument të humbur, e kishin ofenduar dhe kanosur atë.
Sipas njoftimit të Policisë, thuhet se ngjarja ka ndodhur gjatë ditës së djeshme, rreth orës 15:30 në Prizren, ku rasti është iniciuar si “ Kanosje ndaj personit zyrtar”, raporton Zeri.info.
“Prizren 21.10.2026 – 15:30. Më 27.10.2026 është hapur rasti lidhur me kanosjen, ku viktima mashkull kosovar (polic), ka raportuar se derisa ka qenë në zyrën e tij, ka shkuar e dyshuara femër kosovare shoqëruar me një femër tjetër, për të raportuar një dokument të humbur dhe për në çast e dyshuara e ka kanosur dhe ofenduar zyrtarin policor. Me vendim të prokurorit rasti shkon në procedurë të rregullt”, thuhet në njoftimin e Policisë. /Zëri