KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

Dua Lipa bëhet pjesë e një prej videolojërave më të shumëpritura në botë

Dua Lipa bëhet pjesë e një prej videolojërave më të shumëpritura në botë

Muzika e Dua Lipës do të jetë pjesë e një prej projekteve më të mëdha të industrisë së videolojërave. Këngëtarja me origjinë shqiptare është përzgjedhur mes artistëve të njohur ndërkombëtarë, këngët e të cilëve do të përfshihen në kolonën zanore të shumëpritur të “Grand Theft Auto VI” (GTA VI).

Lista e plotë e këngëve përmban 34 tituj dhe u bë publike në mënyrë të papritur, pasi në internet u shpërndanë fotografi të albumit në formatin vinyl, përpara publikimit zyrtar. Përveç Dua Lipës, në këtë përmbledhje muzikore do të dëgjohen edhe artistë të njohur si Lana Del Rey, Zara Larsson, Jennie, Rina Sawayama, Arca, Tove Lo, Travis Scott, Morgan Wallen dhe Keith Richards.

Projekti muzikor mban titullin “GTA VI: The Album” dhe përfshin edhe bashkëpunime të veçanta, si ai mes Justice dhe Michael McDonald. Në listën e artistëve janë gjithashtu Rauw Alejandro, Young Thug dhe Playboi Carti.

Sipas revistës “Rolling Stone”, zbulimi i listës erdhi pasi fotografitë e kopjeve të albumit në vinyl, të cilat ishin nxjerrë në shitje para afatit, nisën të qarkullonin në rrjet. Albumi është planifikuar të dalë më 20 nëntor, një ditë pas publikimit digjital të videolojës.

Surprizat nuk përfundojnë këtu. Më 21 nëntor, Miami do të mirëpresë një festival muzikor kushtuar GTA VI, ku pritet të ngjiten në skenë emra si Cardi B, Kodak Black, Don Toliver, Travis Scott dhe Justice.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.