Një shtëpi është përfshirë nga zjarri mëngjesin e sotëm në rrugën B të kryeqytetit.
Zëdhënësi i Policisë së Kosovës për rajonin e Prishtinë, Enis Pllana, ka konfirmuar për Telegrafin se zjarrfikësit kanë dalë menjëherë në vendngjarje dhe po punojnë për shuarjen e flakëve, ndërsa hetuesit janë duke zbatuar procedurat për sqarimin e shkaqeve të incidentit.
“Sot rreth orës 10:00, kemi pranuar informatën për një incident zjarri në rrugën B, në Prishtinë, ku nga zjarri është përfshirë një shtëpi. Në vendngjarje kanë dalë zjarrfikësit dhe policia të cilët po merren me rastin. Nga informatat fillestare nuk është raportuar për ndonjë person të lënduar”, tha Pllana.
Hetimet për të përcaktuar shkaqet e zjarrit vazhdojnë, ndërsa nuk raportohet për dëme njerëzore. /Telegrafi/