Deputeti i Lëvizjes Vetëvendosje, Enver Dugolli me bashkëpartiakët e tij ka vizituar kryetarin e degës së LVV-së të Skenderajt, Hysni Mehani i cili pretendon se është nga kryetari i kësaj komune, Sami Lushtaku.
Dugolli përmes një postimi në rrjetin social në Facebook i ka bërë thirrje Lushtakur që me sulme fizike nuk do ta ndalojnë Hysniun dhe LVV-në.
“Në Spitalin e Mitrovicës vizituam aktivistin tonë dhe zëvendësministrin, Hysni Mehani. Personeli mjekësor po kujdeset për gjendjen e tij shëndetësore dhe u jemi mirënjohës për profesionalizmin e treguar. Sami Lushtaku, ta kesh të qartë: me sulme fizike, presione dhe metoda banditeske nuk do ta ndalni kurrë Hysniun dhe as Lëvizjën Vetëvendosje. Dhuna është arma e atyre që nuk kanë argumente politike dhe që përpiqen të mbjellin frikë te qytetarët dhe aktivistët politik përmes sulmeve fizike, kërcënimeve dhe presionit”, ka shkruar Dugolli.
Ai tha se e dënon fuqishëm dhunën, kërcënimet dhe sulmet fizike si instrument të frikësimit politik.
“Askush nuk mund ta ndalë vullnetin qytetar për ndryshim me dhunë, presion apo banda politike. Ftojmë Partinë Demokratike të Kosovës që, nëse kanë sadopak guxim politik e njerëzor, ta dënojnë qartë dhe pa asnjë hezitim këtë sulm të papranueshëm”, ka shkruar Dugolli.