Barcelona nuk dëshiron të krijojë dramë pas humbjes 4-2 ndaj Paris Saint-Germainit, por synon ta shndërrojë këtë rezultat në motivim shtesë për përballjen me Real Madridin.
Sipas Goal.com, atmosfera në kampin katalunas mbetet optimiste, pasi skuadra beson se mund të mësojë nga gabimet e bëra në Paris dhe të reagojë në ndeshjen e së dielës.
Trajneri Hansi Flick e pranoi epërsinë e PSG-së, por theksoi se sezoni është ende në fillim dhe se objektivat në Champions League vendosen në qershor.
Pavarësisht humbjes, Barcelona vlerëson se pati edhe momente të mira në lojë. Katalunasit krijuan raste të rrezikshme, ndërsa paraqitja e të riut Xavi Espart ishte një nga aspektet pozitive të ndeshjes.
Tani, e gjithë vëmendja është te El Clásico kundër Real Madridit, ku Barcelona synon të reagojë dhe të dëshmojë se humbja në Evropë nuk do ta ndalë ambicien e saj për të vazhduar sezonin me sukses. /Zëri