Atletico Madrid po e ndjek me shumë interes situatën e Marcus Rashford, sulmuesit anglez që aktualisht është i huazuar te Barcelona nga Manchester United.
Klubi e sheh atë si një mundësi të rëndësishme për sezonin e ardhshëm, duke vlerësuar eksperiencën dhe potencialin e tij në fazën sulmuese.
Diego Pablo Simeone ka identifikuar te Rashford një profil që përshtatet mirë me filozofinë e tij të lojës, falë shpejtësisë, fuqisë dhe aftësisë për të sulmuar hapësirat.
Edhe pse anglezi mbërriti në Barcelonë me pritshmëri të larta, rikthimi i lojtarëve kyç në formacion ka kufizuar ndjeshëm rolin e tij, duke e lënë në plan të dytë.
Në këto rrethana, drejtuesit e Atletico Madridit kanë nisur lëvizjet e para për mundësinë e një transferimi të përhershëm gjatë verës.
Barcelona po heziton të aktivizojë opsionin e blerjes prej 30 milionë eurosh, për shkak të kostos së lartë të pagës, ndërsa Rashford kërkon një projekt ku të ketë rol qendror.
Nga ana e Man Utd, situata është gjithashtu e favorshme për një largim.
Trajneri Ruben Amorim, nuk e ka sulmuesin pjesë të planeve të tij dhe klubi anglez preferon ta shesë jashtë Ligës Premier.
Kjo i jep Atletico Madridit një avantazh të rëndësishëm në negociata, pavarësisht interesimit të klubeve të tjera evropiane.
Për Rashford, një transferim në Madrid do të përfaqësonte një mundësi të artë për t’u ringritur dhe për të rifituar statusin e tij në elitën e futbollit evropian. /Telegrafi/