Një ari i zi në Kaliforni të SHBA-së është futur në një bibliotekë para hapjes dhe ka kërkuar ushqim, duke përfunduar te një kavanoz me mjaltë.
Ngjarja ndodhi në 100-vjetorin e botimit të parë të tregimit për Winnie-the-Pooh, personazhin e famshëm që njihet për dashurinë ndaj mjaltit.
Pamjet e kamerave të sigurisë tregojnë ariun duke konsumuar edhe gjalpë kikiriku e biskota, përpara se të shëtiste nëpër bibliotekë dhe të largohej vetë.
Biblioteka njoftoi se nuk pati dëme dhe asnjë libër nuk u prek.
Ngjarja u bë virale në rrjetet sociale për shkak të ngjashmërisë me aventurat e Winnie-the-Pooh. /Telegrafi/
Burimi: telegrafi.com ↗